Цагийн хуваарь

Даваа - Баасан: 08:30 - 17:00

Бямба: 10:00 - 14:00

Ням: Амрана

Онлайн цаг авалт тун удахгүй!
Үзлэгийн цаг авах:
Үйлчлүүлэгчийн мэдээлэл:

Эмч нар

Мэндчилгээ

        Монгол Японы хамтарсан хөрөнгө оруулалтаар байгуулагдсан Улаанбаатар Мед нэгдсэн эмнэлгийн хамт олныхоо өмнөөс бид чин сэтгэлийн мэндчилгээг та бүхэндээ дэвшүүлж байна. Нийслэлээр овоглосон манай эмнэлэг Япон улсын эрүүл мэндийн салбарын туршлага, эмчилгээний технологийн дэвшил, мэргэжлийн ёс зүйг эрхэмлэсэн чадварлаг хамт олны төгс үйлчилгээг хэрэглэгч та бүхний эрүүл энхийн төлөөх эрэлттэй хослуулан үүд хаалгаа нээж байгаадаа туйлын баяртай байна. Манай эмнэлэг Япон улсын эмнэлгийн бүтээгдэхүүн үйлдвэрлэгч нар, эрүүл мэндийн байгууллагууд, Монгол Улсын ажил хэрэгч эрхмүүд та бүхний дэмжлэгтэйгээр байгуулагдсан билээ.

        Эрүүл мэндийн шинжлэх ухааны технологийн дэвшил, хүн төвт үйлчилгээгээрээ дэлхийд тэргүүлэгч Япон улсын эрүүл мэндийн үйлчилгээний сайн туршлагуудыг шингээсэн, Монгол Улсын эрүүл мэндийн тусламж үйчилгээний стандарт, үйлчлүүлэгчийнхээ хэрэгцээнд нийцсэн эмнэлгийн үйлчилгээг бий болгосон Монгол Японы хамтарсан анхны эмнэлэг юм. Улмаар нарийн эмчилгээ, оношилогоо шаардлагатай үйлчлүүлэгч нараа бид Япон улсын эмнэлгийн тусламж үйлчилгээнд хамруулах, зуучлах үйлчилгээ үзүүлэх ба энэ нь Япон улсад зорчих, байрлах, эмчилгээ үйлчилгээнд хамрагдах, эмчилгээний дараа нутаг буцах хүртэлх бүхий л хугацаанд та бүхний сэтгэлд бүрэн нийцэх цогц үйлчилгээний санал хүргүүлж байна.

        Манай эмнэлэг шаардлагатай тохиолдолд үйлчлүүлэгчийнхээ зөвшөөрлөөр тухайн хувь хүний эмнэлгийн шинжилгээг Япон улсын Фүкүяма төв лабораторид эмнэлгийнхээ төлөөлөгчийн газраар дамжуулан илгээж нарийвчлан оношлох, Япон улс дахь хамтрагч байгууллагуудаараа дамжуулан хоёр улсын иргэдэд зориулсан эрүүл мэндийн аялал жуулчлалыг зохион байгуулах болно. Япон улсад “Унахаас урьтаж тулах тулгуур” гэдэг зүйр үг байдаг ба энэ нь “Урьдчилан сэргийлэх нь эмчилгээнээс илүү дээр” гэсэн утгатай зүйр үг юм. Тэгвэл “Эрүүл биеэ эс асарваас өвчин олсон цагт гэмших” хэмээсэн Монгол ардын зүйр үг ч бий. Бид урьдчилан сэргийлэлт, эрт илрүүлэлт, эдгэрэлт гэсэн гурван чиглэлээр хэрэглэгч та бүхэндээ үйлчилнэ. Иргэн бүр эрүүл энх байж, айл өрх бүр аз жаргал дүүрэн амьдрах болтугай.

Хүндэтгэсэн

Мэндчилгээ

×